Job 20

Zophar

1 Tua ciangin Naamath mi Zophar in dawng a: ^a

2 “Ka lunghimawhnate in hong dawngsak nuam hi,
bang hang hiam cih leh ka ki-ip zo nawn mahmah kei hi. ^b
3 Kei hong pahtawi loin nong taina ka za a, ^c
ka tel sinsenna in kei hong dawngsak nuam hi.
4 “Tanglai pekpek - ^d
leitung ah mi ^{▼▼20.4 Ahikeh Adam} a ki-omsak a kipan,
5 a gilote nopsak hun a tom lam le ^f
pasian nei lote lungnop hun tomkha sung ahilam na thei taktak hi. ^g
6 A kiphatsakna in vantungte bana ^h
a lutang in meiite a nawkkha zongin, ⁱ
7 ama ek bangin amah a mangthang den ding hi; ^j
amah a mu ngeisate in, ‘Amah koi-ah om hiam’ ci ding uh hi.
8 Mang bangin amah lengmang dinga, kimu kik nawn lo ding hi;
zana mumang bangin maimang ding hi. ^k
9 Amah a mu mittang in mu kik nawn lo dinga,
ama omna mun in amah a mu kik nawn kei ding hi. ^l
10 Mizawngte na a sutte a tate in loh kik pelmawh dinga;
a neih a lam te ama khutin a pia kik pelmawh ding hi. ^m
11 A khangmoi lai guhte a ngek lai pi mah in ⁿ
amah tawh leivui suakkhawm ding hi. ^o
12 “A kam ah gitlohna khuma, ^p
a leii nuai ah selin ^q
13 sekhia nuam loin
a kam sungah muammuam ta leh
14 a an nekte a gilpi ah a thuk suak lai dinga; ^r
ama sungah gul hangsan gu a suak ding hi.
15 A valhsa a hauhnate sekhia dinga; ^s
Pasian in a gilpi zangin luakhia khinsak ding hi.
16 Amah in gul gilo gu teep dinga; ^t
amah mualtan hate in a that ding hi. ^u
17 Amah in khuaizu le bawngnawi khal a luanna gun le
luite a lungnoppih kei ding hi. ^v
18 Amah in a thalawhsate nek lohin pia kik pelmawh dinga; ^w
a sumbawlna-a a mette a lungnoppih kei ding hi. ^x
19 Ahang in, amah in mizawngte nengniam a, khasiat loin a nusia hi; ^y
ama lam lohpi innte a laksak hi. ^z
20 “A lunggulhna bei thei lo a,
a gou ding bangmah a khol thei kei hi. ^aa
21 A khamval bangmah om lo a;
a hauhna sawt a khom kei ding hi. ^ab
22 A cih theih pen hun laitakin a tungah lungdonna tung ding a; ^ac
a lungkham pen hun, a tungah tung ding hi.
23 A gilpi a dip khit ciangin Pasian in
ama hehna kuangin bi dinga, ^ad
a tungah haksatna a zusak ding hi. ^ae
24 Sik galhiam panin taikhia ta leh ^af
sumngo thaltang in amah kaplet ding hi. ^ag
25 Amah in a sin pana a tee daldal thaltang pak
a nunglam pangah a dokkhia ding hi.
A tungah launa tung dinga;
26 khuamial bikbek in ama gou dingin a ngak hi. ^ah
A kizaap lo mei in amah kangtum dinga ^ai
a buk sunga a om laite haltum ding hi. ^aj
27 Vantungte in ama khialhna pholak ding a;
ama lang khatah leitung in a do ding hi. ^ak
28 Tuikhang in a inn taimang dinga, ^al
Pasian thangpaihna ni-in tuizeute ^{▼▼20.28 Ahikeh a inn sunga a neihsate kipuamangin / tai mang} in a taimang ding hi. ^an
29 Tuate pen Pasian in
migilote ngah dinga a sehsa ahi hi,” a ci hi. ^ao